Рүзәл Мөхәммәтшин

Дусларым белән уртаклашам:
Click to view image

АККОШ АРТЫННАН

Кайсысыдыр гитарага чиртә,
Һәм кыл кебек йөрәк тартыла.
Моң агыла күккә, әле генә
Яннан очкан аккош артыннан...
Югаласы иде шушы җирдә,
Мең кат булган туфрак астына.
Сәламемне генә юллый алам
Туган якка аккош артыннан...
Һәммәсе дә урланылган күптән,
Һәммәсе дә күптән сатылган.
Карап калам үз күченнән калып
Ялгыз очкан аккош артыннан...
Моңсу урам, плитә идәннәре,
Әкрен генә тавыш басыла.
Кая килеп җиттем соң мин очып
Яраланган аккош артыннан?..

(Шагыйрьнең шәхси архивыннан)

Дусларым белән уртаклашам:

Other article