Тукай сүзе

Аватар пользователя kalebtatar
Kalebtatar
26.04.2016 Әсәр
Дусларым белән уртаклашам:
Click to view image

Эльмир Низамов музыкасы
Йолдыз Миңнуллина сүзләре

Салкын җилләр өметләрне өзеп,
Үзәкләргә үтә язганда,
Казаныма кайта шагыйрь сүзе,
Тукай сүзе кайта Казанга.

Тукай сүзе! Тукай сүзе!
Тукай сүзе кайта Казанга!

Моңнар иңри, сак тынлыкны ерып,
Күңел кылы меңгә теленә.
Туган илгә кайта халык җыры,
Тукай җыры кайта илемә.

Тукай җыры! Тукай җыры!
Тукай җыры кайта илемә!

Мәйданнардан уза дөрли язып -
Кем дә дәртле, кем дә шат анда -
Ватаныма кайта Тукай язы,
Мәңгелек яз кайта Ватанга!

Тукай язы! Тукай язы!
Тукай язы кайта Ватанга!

Дусларым белән уртаклашам:

Other article

17.02.2017
22.09.2016
05.09.2016
24.06.2016