***

Дусларым белән уртаклашам:
Click to view image

Яшьлегемнең бер тамчысын,
Хисләремнең ут-камчысын,
Җаннарымның ярсуларын –
Алып китте кар сулары.

Сөюемнең бербөтене,
Учагымның күк төтене,
Яшим диеп бер сулавым –
Акты китте кар сулары.

Өр-яңа кар ызаннарда,
Иртә, ахры, тузаннарга.
Мин – тәбәнәк, күк – югары –
Акты инде кар сулары.

Яңгыр катыш кар бураны –
Күзләремдә – яшь томаны.
Ярдан чыгар ташуларны
Алып китте кар сулары.

Дусларым белән уртаклашам: