Сентябрь.

Дусларым белән уртаклашам:
Click to view image

Көзге күкне иңләп оча
Пәрәвезнең аклыклары.
Алмаларга тулып беткән
Сентябрьнең шатлыклары.

Үтте инде, онытылды
Гамьсез җәйнең ялгышлары.
Синнән миңа соңгы сәлам –
Сентябрьнең сагышлары.

Сары яфрак учка кунды –
Елама дип үгетләве.
Суга язган тәүбә кебек
Сентябрьнең өметләре.

Көзләр белән ник төзәлми
Йөрәгемнең җәрәхәте?
Җылытмый да, юатмый да
Сентябрьнең мәхәббәте.

Дусларым белән уртаклашам: