***

Дусларым белән уртаклашам:
Click to view image

Салкын...
Тәнгә салкын.
Җанга салкын.
Чәчкә коя гөлләр.
Үзәкләргә үтмәс иде, бәлки,
Котыптандыр җилләр.

Салкын...
Сиздерми дә,
Искәрми дә
Җиткән кара көзләр.
Арабызда берни дә юк, бары
Яңгыр юган эзләр.

Салкын…
Көнне баса,
Тәнне баса
Соры кургаш болыт.
Җир читендә җылы эзләп йөрим
Ялгыз торна булып.

Салкын...
Өшесәм дә,
Күшексәм дә,
Җәйләр күптән узган.
Унсигездә кебек иде йөрәк.
Баксаң, ул да тузган.
Җәйләр инде узган.

Гөлүсә Батталова.

Дусларым белән уртаклашам: